Las que dançavan dins la lutz
Auteur(s)
Joan Frederic Brun Editeur(s)
Editions Trabucaire Thèmes
Littérature générale -- Nouvelles
Collection
Prosa occitana
ISBN
2-84974-148-5
978-2-84974-148-1
EANS
9782849741481
Date
Collation
187p. ; 14 x 22 cm ; épaisseur : 1.4 cm ; reliure : Broché
Autre présentation
«Una sentida, doça mas indefugibla, lo destressonèt. Li semblava
qu'èra pas sol. E pasmens lo silenci èra coma una cistèrna sens
bolièiras. Abans de dobrir los uòlhs reveguèt en pensada l'ostau
qu'aviá visitat antan, e qu'èra benlèu aqueste, lo membre crotat
amb la lònga taula de fusta, las joventas miraclosament polidas
que cantavan sas estranhas e pertocantas cançons. Realitat o
sòmi ? Pasmens aquel sovenir èra escrincelat dins son èime amb
una precision espectaclosa. Revesiá aqueles uòlhs, grands lacs
d'aiga montanhòla ont tota pensada s'anava negar.
De qu'anava veire en dobriguent los uòlhs ? Èra estranhament
suau e destibat. Una serenitat immensa lo subrondava. E pasmens
sabiá qu'aquel instant que viviá èra lo mai important benlèu de
tota sa vida. N'assaborava lo sulhet en trigant encara abans de
dobrir los uòlhs. Sentissiá una entrelusor que li atraversava las
parpèlas. Deviá èstre la primauba. Una mena de frescor imoissa
o anonciava. Lo silenci s'èra encara aprigondit. Preniá una
tonalitat un pauc aiganhosa.»